And the spoiler was right.Three weeks after umere ang Survivor Philippines noong September ay may lumabas na agad na leakage na diumano'y ang basketball heartthrob from San Sebastian College na si JC Tiuseco, 23, ang tinanghal na 1st Pinoy Sole Survivor.
Sabi ko nga noon, hindi ito maiiwasan sapagkat pre-taped na ang Survivor Philippines, which was shot in Thailand.
Pinabulaanan na nga ng Survivor Philippines at ng host nito na si Paolo Bediones ang nasabing leakage.
At sa grand finale kagabi, December 12, 2008, tinangka sana ng GMA 7 na panindigang mali ang leakage sa pagkakaroon ng one-day text voting na tinaguriang 'Boto ng Bayan' at katumbas ay isang boto para sa kung sino man ang ibinoto ng bayan sa dalawang natitirang survivor na sina JC Tiuseco at ang loverboy businessman na si Rob Sy.
Si JC ay nakakuha ng 93% of text votes samantalang 7% naman kay Rob.
Pero dahil nga sa predetermined na kung sino ang winner dahil na rin sa boto ng walong myembro ng Jury o ang Final Tribal Council, halos hindi na naramdaman ang nasabing 'Boto ng Bayan'.
Dalawang boto lang ang napunta kay Rob at pito naman para kay JC, kabilang na ang 'Boto ng Bayan', dahilan para siya ay tanghaling kauna-unahang Pinoy Sole Survivor.
Kung inyong mapapansin sa live finale kagabi, halos wala nang excitement sa mga mukha nina Rob at JC, at maging sa members ng Jury.
Parang alam na nga nila kung sino ang nanalo. Si JC, parang wala lang sa kanya nang inabot na ang kanyang premyong 3 million pesos.
Bakit kaya naisipan pa ng Survivor Philippines na magkaroon ng text voting samantalang sa isla pa lang alam na nilang may 6 votes na si JC laban kay Rob na may dalawa lamang?
Pwede sana 'yun if nagkaroon ng 'tie' sa pagitan ng dalawa. Eh wala naman 'tie' kaya dapat wala na 'yun.
Sa mga bumoto, sayang naman ng ginastos niyo sa pagboto.
Pero, deserving naman talagang manalo si JC, na kamukha raw ni Manny Pacquiao pag may bigote, kumpara kay Rob.
Mga ilang beses na ring nagkaroon si JC ng immunity necklace at nanalo sa mga reward challenge, patunay lamang na nagawa niya nang maayos ang bawat challenge ng Survivor Philippines.
Visit nEw MyKiRu IsYuSeRo for Daily Updated Hairstyles Collection
